Prensa a conoce platonan nobo pa almuerzo na Aquarius Restaurant

Na Renaissance Wind Creek Aruba Resort

ORANJESTAD (AAN): Aquarius Restaurant, localisa na Renaissance Wind Creek Aruba Resort, ta presenta un experencia nobo, apetitoso y diferente durante oranan di lunch. Cuminsando for di luna di November, publico por explora un variedad di loke na ta yama ‘action station’ cual lo cambia tur dia, cada un ofreciendo un aventura culinario durante oranan di lunch.

   "Nos ta reconoce cu diversidad ta duna sabor na bida," y pa es motibo, nos a seleciona un gran variedad di ‘action station’ pa satisface tur gusto, ta loke Executive Chef Sebastian Cechet a splica.

   Aquarius awor ta consisti di 7 diferente ‘action station’ cu lo cambia tur dia, garantizando e clientenan un experencia diferente tur dia di siman.  Lo por disfruta di e siguiente opcionnan di buffet:

  Pizza Station: Lo por crea bo pizza preferi na nos pizza station; Escoge entre Margherita, 4 Formaggi, mushroom cream, of pepperoni, prepara e ora ey dilanti bo den nan pizza oven.

   Shawarma Station: Crea bo propio obra maestro di Shawarma cu nan pan di pita y top esaki up sea cu hummus, Tzatziki, tomati, cucumber, garlic sauce, y un seleccion di sauce pica.

   Wok Station: Satisface bo antoho pa sabor Asiatico cu e Wok station. Personalisa bo plato cu galiña, carni, berdura, y un variedad di sauce.

   Tacos al Pastor Station: Disfruta di e sabor Mexicano cu nan ‘Tacos al Pastor Station’. Scoge bo tortilla yena cu sauce berde, guacamole, sour cream, keshi na gusto y grilled pineapple.

   Pasta Station: Pa e amentenan di pasta por escohe entre gnocchi, ravioli, tortellini, penne, of spaghetti, sirbi cu un seleccion di sauce manera sauce cora, bolognese, truffle of sauce blanco.

   Crêpes Station: Crea bo delicioso creashon na e Crêpes station. Escoge entre opcionan manera Truffle cream, mushrooms, chicken parmesan den sauce blanco, braised beef y bearnaise, flambee banana cu Nutella, top esaki up cu sprinkles, ‘poeder suiker’, fruta of chuculati na gusto.

   Sushi Bar: Experencia e arte di nan sushi chef cu un variashon di sushi fresco y delicioso.

   Aquarius Restaurant ta balora bo lealtad, no lubida di usa of puntra pa nos ‘Loyalty Program card’. Despues di disfruta di 8 lunch, lo bo ricibi e di 9 lunch completamente gratis. Ta nan forma di expresa gratitud na e clientenan, alaves di esaki, tur local ta ricibi un 15% di descuento riba e cuenta final.