Michella Lacle, Sociaal Beledmedewerker , ta informa:
ORANJESTAD (AAN) – Michella Steenvoorde-Lacle, Sociaal Beleidmedewerker , a anuncia den entrevista cu DIARIO, cu dia 22 di Maart proximo, ta bay tin un Congreso pa Mayornan, cu lo tuma lugar den Hyatt Place.
Esaki dentro di e Proyecto Piloto Plan di Mayor cu ta bay cuminza e siman aki. Ta bay tin Oradornan internacional manera dr. Inge van der Valk, y e ta studia e problematica di divorcio di mayornan y su consecuencia na hobennan adolescente. E ta traha na Universidad di Utrecht. Otro Orador ta Luc Alofs, di Universidad di Aruba. Nan dos lo elabora locual ta bay ta e investigacionnan pa loke ta e Proyecto Piloto Plan di Mayor, desde 2022 te cu 2025.
Nan ta bay haci un survey entre hobennan pa wak kico nan ta pensa y tambe e trayectonan cu Plan di Mayor tin pensa di haci un encuentro, despues di cada intervencion cu nan ta bay introduci.
