Miluska Sneek di Kidneys297 ta remarca:
ORANJESTAD (AAN): Miluska Sneek di Fundacion Kidneys297 a duna di conoce cu manera tur aña, nan no ta para keto den e lucha pa conscientisa e comunidad riba importancia di e salud di e riňonnan.
El a sigui bisa cu e aña aki internacionalmente ta para keto na ban apoya esnan mas vulnerabel. E tema ta 'Be prepare to the unexpected'. "Door di conscientisa nos mes riba e importancia pakico tin un bida saludabel, alabes pa cuida nos riňonnan, nos ta para keto riba loke por sosode inesperadamente, cu si no por hiba un bida mas saludabel, nos lo no por sa y ta prepara pa lo inespera".
Segun Sneek, e situacion pa loke ta problema di riňon na Aruba ta dificil. Instancianan manera Wit Gele Kruis, Departamento di Salud, entre otro, ta bezig cu cierto preparacionnan of nan tin nan mesun manera di trece dilanti con por cuida. Tin e campaña di midi e cifranan unda ta para keto riba e parti di obesidad.
Dia Mundial di Riňon tabata 9 di Maart y Kidneys297 a enfoca riba cuido di riňon door di bebe mas awa, haci actividad fisico, y come saludabel. Rond di e dia aki tabata tin varios actividad manera 'fun walk'.
Miluska Sneek a enfatisa cu ta un mito cu e hendenan ta kere cu locual nan ta ingeri na likido ta locual bo curpa mester. Pero ta e awa loke ta necesario.
A agrega cu tin un mito cu ta bisa cu bebe cervez ta yuda e riňon. "Cervez no ta yuda e riňon. E riňon ta gewoon pone bo orina. Locual bo ta bebe ta wordo forsa, pero ta e awa nos curpa mester pa haci nos organo limpi y cu cual bo no ta forsa e riňon", a splica.
