Randal van Trigt di Stichting Hunto”
ORANJESTAD (AAN) — Inloophuis ta e di tres proyecto di Stichting Hunto. Actualmente, e ta un edificio cu practicamente ta abandona, Randall van Trigt a duna di conoce.
Van Trigt a bisa cu, como maneho nobo, nan a dicidi pa mehora tur cos y traha como profesionalnan . No laga gobierno afo, pero traha cu gobierno como partner. “E ultimo cuater añanan, gobierno eigenlijk ta maneha e fundacion, locual no por haci nada cune, pasobra cada 4 aña gobierno ta cambia”, van Trigt a señala.
El a splica cu un 'Inloophuis' ta un lugar specializa den adictonan di caya, cu tambe ta bay wordo renova, y lo haya lugar di drumi pa hende homber, y pa hende muher, separa for di otro.
Pues, esakinan ta e tres proyectonan infrastructural cu ta bay tuma lugar y e aña aki ta keda cla. Mientras tanto cu nan ta keda cla, Hunto ta bay busca mas profesional pa yuda e team di mucha y hoben y tambe di adulto.
Van Trigt a subraya cu Hunto no ta solamente FMAA y SPD, y nan ta pensa tambe riba un samenwerking cu Fundacion Eliezer. Ora e board ta sinta nan ta bay analiza kico ta e situacion. “Manera nos tur sa e problema di Aruba ta finanzas tur caminda: den salud, den husticia. Ministerio di Finanza tin e problema; nos a bay wak kico tin na finanzas, y kico nos por haci cu e placa cu tin. E plan aki nos ta di nos so, e ta di SPD, MFAA, FADA, Psicologonan priva, pues e ta un teamwork di diferente hende cu a sinta cu nos y bisa nos kico ta e problematica y nos a trahe. Den futuro nos kier atrae mas fundacion pa nos traha hunto como un team”, van Trigt a subraya.
