BOGOTA: Den fin di siman a circula e informacion, cu algun hende a haya papel falso di 100.000 Pesos Colombiano na e pais Sur Americano.
E ex-congresista, Roberto Ortiz tambe a publica cu parce Colombia a wordo inunda cu placa falso di papel di 100 mil Pesos, y cu ta di e serie AA42661883. El a publica un potret unda bo ta mira dos di e placanan aki poni banda di otro.
Pesey awor nan ta haci un suplica na tur hende, pa revisa e papel di 100 mil Pesos y check si acaso nan no ta trata di gañabo. Con pa sa si bo tin un papel legal? Check si bo ta mira e cinta visible, e watermark riba e papel, y corda cu e color di e imagen ta cambia segun bo ta move e papel un poco.
