ORANJESTAD (AAN): E cantante y diseñadora mexicano, Amparin Serrano, kende tabata integrante di e grupo musical Flans,
a muri despues cu informe a drenta cu el a sufri un accident fatal na su cas. E tin 57 aña di edad.
E artista tabata hospitaliza den Sala di Emergencia na Hospital pa e golpinan fuerte cu el a sufri di un suceso terible, di cual ainda no a duna hopi detaye riba dje. Pero e golpinan tabata asina fuerte, te cu el a fayece di nan den fin di siman.
“Persona di un solo pida, mi mama! Kibra paden, kibra pafo, mi no por expresa con hopi mi ta stimabo mama... spera cu bo haya e milagro cu abo a duna miyones di hende. Mi stimabo pa semper y mi ta pidi tur hende reza p’e,” ta loke su yiu muher chikito Camila West a skirbi den un mensahe riba Instagram.
Den e ultimo aña e artista a haya hopi reconocemento y prestigio pa el a crea e marca ‘Distroller’ y su obranan ‘Virgencita Plis’, “Ksimeritos’, ‘Neonatos’, ‘Chamoy’, y ‘Amiguis’.
Durante un periodo chikito di dos aña, e tabata integrante di e grupo Flans y despues di grupo Media Luna, tur dos tabata gruponan di decada di 1980.
Flans tabata consisti originalmente pa Ivonne Guevara Garcia, Ilse Maria Olivo Schweinfurth, y Irma Angelica Hernandez Ochoa, y a logra exito grandi durante e di dos mitar di decada di 80. E agrupacion ta sigui existi como duo cu e integrantenan original Ilse y Irma, pero no ta usa e nomber original mas.
