Crisis Team:
ORANJESTAD (AAN): Recientemente Crisis Team a duna di conoce cu considerando e ultimo desaroyonan pa loke ta e pandemia, ta introduci algun cambio den e maneho entrante dialuna 3 di mei.
Cautelosamente ta flexibilisa algun medida, cuidando e progreso cu a logra te awo. Pa loke ta sector di entretenimento, enbes di 1 musico awor por tin maximo 3 musico of cantante riba escenario den cada luga, bailamento di publico no ta permiti.
Pa loke ta entiero, a tuma e decision pa aumenta e cantidad di personanan cu por ta presente den un sala di entiero; di 10 pa 50 persona.
Pa motibo cu a registra un caso di e variante di India, a tuma decision pa sera frontera cu India. Aunke ta un caso so a detecta te awor na Aruba, pero ta considera cu e paso aki ta necesario pa preveni mas caso di e variante aki.
Lo sigui monitorea e situacion di hopi cerca. Crisis Team ta motiva tur esnan cu ainda no a vacuna pa haci esaki, mas hende sigui vacuna, mas e casonan lo sigui baha y mas medida por flexibilisa y den futuro hasta elimina
