Ozin a lanza su di tercer album e siman aki

Highway (The Album)

ORANJESTAD (AAN): Porta algun di Boso conoce e artista local aki caba, y si bo no conoce, lo bo bay conoce.

   Ozin ta un recording-artist, compositor y productor Arubiano cu raiznan Colombiano cu a cria na Aruba. Cu un zonido unico den e genero nan di; R&B, Dancehall & Reggaeton, na Spaño y Papiamento.

  El a cuminsa na edad di 10 aña, cu influencianan di musica latino-americano/caribeño y hiphop. Artistanan cu a influencia Ozin su gustonan musical ta entre otro; Daddy yankee, Arcangel, Juanes, Sean Paul y 50-Cent.

  Su musica semper a worde caracteriza pa su ritmonan urbano pero semper cu un lo-fi/dreamy mood cune.

   Album nobo: Ozin a relata na DIARIO, cu e album aki ta su album cu mas calidad te cu awo den su carrera musical. Cu un produccion professional, pero cu su esencia di tempo cu e tabata haci musica na Aruba.

   E Album yama ‘Highway’, e ta consisti di 15 cancion na Spaño y Papiamento y diferente genero.

   Ozin a divulga cu el a dicidi di yama e album asina paso semper cu e haci roadtrips largo riba highway’s na Europa, e ta enjoy masha hopi mes e album aki riba caminda.  Y sin duda, publico tambe lo disfruta di dje.

   DIARIO a compronde cu ‘Highway’ ya caba ta obtenibel riba tur plataforma di musica.