Bo ta yuda comunidad di Aruba
ORANJESTAD (AAN): Fundacion Aruba One Happy Island Lions Club ta e organizacion encarga cu 2 club di servicio na Aruba cu ta One Happy Island Lions Club y e club di hobennan adulto Delta Aruba Leo Club.
Pa e 2 clubnan aki por sigui yuda comunidad di Aruba, ta organizando diadomingo 30 di april proximo un grandioso rifa cu un total di 3 premio bow di wega di Sorteo DIARIO.
Prome premio ta di 10.000 Florin. Di dos premio ta di 5.000 Florin. Di tres premio ta di 2.500 Florin.
Cada ticket ta consisti di 2 number dunando bo 6 chance pa gana un di e premionan. Ticket ta costa binticinco florin y ta obtenibel cerca tur miembro di Aruba One Happy Island Lions Club y Delta Aruba Leo Club.
Club di Leon y club Leo ta e organizacion di servicio na comunidad mas grandi na mundo. Nan meta principal ta pa duna servicio na comunidad cu ta den necesidad como tambe concientiza y educa riba topiconan importante pa tin un comunidad sano.
Esnan interesa pa cumpra buki di rifa of lo kier bende buki por tuma contacto cu nan email عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته..
Cu e fondo recauda e 2 clubnan por sigui haci proyectonan na bienestar di nos comunidad, un apelacion na henter comunidad pa yuda nos yuda esnan den comunidad cu ta den necesidad. Tur fondo colecta ta bay back pa comunidad di Aruba den necesidad.
