Oficialnan di Inmigracion a duna Ashantee Martus un rond di aplauso

ORANJESTAD (AAN): Algo sumamente admirable ta loke e oficialnan di Inmigracion na Aruba a haci Diamars merdia ora cu e simpatica dama hoben Ashantee Martus a yega bek for di Honduras.

   Manera ta conoci, den fin di siman Ashantee Martus a representa Aruba y a bay cu e titulo maximo di Teen Cultura Continental 2022.

   Ora cu el a yega Aruba y ta canando den rij pa asina pasa door di control di Inmigracion, diripiente por a tende con esnan di Inmigracion a cuminza hala atencion di demas coleganan.  Nan a stop di stempel paspoort, y asina nan tur a lanta para y cuminza aplaudi e Reina.

   Na momento cu nan a tende e aplausonan y mira esnan di Inmigracion a lanta para pa haci esey, e demas turistanan tambe a cuminza aplaudi e momento ey hunto cu nan.  “Masha pabien,” un di e oficialnan di Inmigracion a bise cu voz halto tambe.