ORANJESTAD (AAN): Pa un recien sorteo di Mini Mega, e ciudadano Edsly a forma un combinacion cu numbernan cu tin nificacion special pe.
Y el a bin ripara cu el a gana e di segundo premio di e sorteo.
Pesey riba Dialuna el a acudi na oficina di Lotto na Playa pa asina reclama su premio. Aki el a entrega su ticket na e funcionarionan, y nan a check si el a pone su firma banda patras di e ticket, hunto cu su numbernan di banco.
Despues a scan e barcode, cu mesora a indica cu Edsly a gana 10.392 Florin como segundo premio di Mini Mega.
Mesora a cuminza cu e proceso pa transferi e premio electronicamente pa su cuenta di banco. Edsly a indica cu e ticket ganador el a cumpra na Lucky Lotto Corner.
