PARAMARIBO: Un conocido dama hoben di Suriname, a ser haya Diasabra pasa, morto na su cas net riba su fecha natal.
E dama Tessa Fonkel di 26 aña di edad, a ser haya morto na un adres den Estafettestraat na Suriname. Como cu e Docter cu a constata morto no por a bisa cu exactitud e causa di morto, Fiscal a dicidi na confisca esaki pa practica autopsia.
Su pareha a bisa Polis, cu e muher a sali cay y despues no tabata mustra señal di bida mas. E no tin ningun rastro di golpi of herida na su curpa.
E patologo awor a finaliza cu e autopsia, y a raporta oficialmente cu ningun crimen a wordo cometi. Tessa a fayece di morto natural. No a haya ningun herida interno tampoco riba e curpa.
Awor e curpa a wordo entrega bek na famia. E dama a bay laga un baby di 2 luna atras.
