Na forma festivo EPB Oranjestad a cera temporada di December

ORANJESTAD (AAN): Alumnonan no mester a bay cu nan uniform riba e mainta aki.  Djis a bin cu paña comfortabel, y algun den bisti masha nechi mes,

pa asina den e Aula grandi di EPB Oranjestad na Hato nan tene nan celebracion di Fin di Aña.

   Den grupo grandi nan a sinta come na mesa bao di e decoracion bunita haci eynan mes.  Tabatin di dal pasaboca di sucu y tambe popcorn, y saca potret na photobooth y balia bao ritmo di DJ cu a pone nan riba pia.

   Di e forma aki, tanto alumnonan y personal di EPB Oranjestad a celebra e alegria y calor di Pasco.  Un dia yena di musica, sonrisa, regalo, sorpresa y mas.  Organizadornan ta gradici tur hende cu a participa y a haci e celebracion aki un exito.