Diferente empleado y docente na Colegio celebrando 10 aña y mas den servicio

ORANJESTAD (AAN): Recientemente Colegio EPI a celebra e dedicacion y pasion di su empleado y docente laborando pa varios lustro caba cu nan.

   Colegio EPI ta mira bek cu orguyo y gratitud na un momento especial den e aña escolar. Recientemente nos a honra nos empleadonan y docentenan cu a celebra nan aniversario di trabao - un celebracion di dedicacion, crecemento y perseverancia pa sigui cu e mision pa forma e futuro di Aruba cu ta e studiantenan.

   Na Colegio EPI nan ta kere cu e forsa di nos exito ta den e hendenan cu dia tras dia ta pone nan conocemento, tempo y pasion pa guia nos studiantenan y percura cu nos scol sigui desaroya.

Nos kier a honra e siguiente coleganan, cu danki na nan esfuerso y entusiasmo, a duna un aporte na e desaroyo di nos educacion y na e ambiente positivo den nos ambiente escolar.

   Celebrando 10 aña di servicio: Esakinan ta Sergio Angela (HR), Dora M. Cuartas Zuluaga (FD).

   Celebrando 15 aña di servicio: Esakinan ta Damira Odor (Salubridad & Servicio), Janine Quant (Salubridad & Servicio), Julieta de Palm (Salubridad & Servicio), Christine E. van der Linden, Rosanne Pietersz (Salubridad & Servicio), Geraldine Albertsz (Salubridad & Servicio), y Tricia Everon (Ciencia & Tecnologia).

   Celebrando 20 aña di servicio: Esakinan ta Natasha Quant (Economia), Donna Nava (Ciencia & Tecnologia), Ranzinho Saladin (Salubridad & Servicio), y Sharon Antonette  (Ciencia & Tecnologia).

   Celebrando 25 y 30 aña di servicio: Aki DIARIO ta priminti, cu nomber di e docentenan cu a logra e impresionante meta di 25 y 30 aña di servicio lo wordo anuncia pronto. Keda pendiente pa esaki.

   Ademas di mira y celebra e pasado cu e empleado- y docentenan hubilario, Colegio EPI ta fiha tambe riba e futuro cu ta dilanti. Pesey nan ta probecha pa yama tambe tur e docente- y empleadonan nobo un bonbini y desea nan tur hopi sabiduria, forsa y hopi satisfaccion den nan trabao nobo.