Director di FADA Rhomyko Winklaar ta lamenta:
ORANJESTAD (AAN)- Director di Fundacion Anti Droga Aruba (FADA), señor Rhomyko Winklaar, a menciona den entrevista cu DIARIO, cu nos cada un mester re-inventa nos mes constantemente.
Nos ta biba den un Isla na unda hopi turista ta bin pa ‘have fun’ naturalmente y FADA kier target nan tambe. “Pero locual nos ta haciendo pa hopi aña caba ta target nos muchanan.
FADA ta bay scol pa duna nan charla y nos ta tene cuenta tambe pa locual ta nan conocimento di alcohol y, naturalmente, droga tambe; pesey nos ta Fundacion Anti Droga Aruba. Y eynan por ripara cu nos muchanan, lamentablemente, di un of otro forma ya a purba of sa ki tiponan di alcohol ta existi eyfo, pues no solamente alcohol cu nos ta custumbra cune, kizas un serves, un whisky, un rum, whatever cu e ta, pero shotsnan tambe, kiermen bebidanan cu ta fuerte. Y ya nan sa, of a purba di nan den e bida cortico cu nan tin”, señor Winklaar, director di FADA a señala, mustrando preocupacion.
