Ministro Xiomara Maduro a felicita comunidad Filipino pa celebracion di nan 123 aña di Independencia

ORANJESTAD (AAN): Diasabra Minister Maduro di Cultura tabata presente na Wilhelmina Park pa felicita e comunidad Filipino residencia na Aruba cu e celebracion di e 123 aña di Independencia di Filipinas.

   Bao di auspicio di Consul General di Filipinas sra Amy Henriquez Mendes, tur presente por a disfruta di un bunita conmemoracion y celebracion di e fecha importante aki pa Filipinonan residencia na Aruba.

   Minister Maduro a felicita tur Filipino y ta gradici nan pa nan aporte valioso na desaroyo di Aruba specialmente den sectornan di cuido, turismo y guia spiritual. Masha danki pa stima Aruba y haci di nos Pais boso hogar.