Ministro Wyatt-Ras impresiona cu Arte Sin Frontera na FUNARI

ORANJESTAD (AAN): Arte Sin Frontera a celebra e talento, creatividad y perseverancia di e clientenan di FUNARI.

   Durante e exhibicion, e clientenan a comparti nan obra artistico, presentacionnan cultural y expresion personal, demostrando cu talento no conoce frontera y cu cada persona tin algo valioso pa aporta na nos comunidad.

   Minister Wyatt-Ras a enfatisa e importancia di un sociedad inclusivo unda tur persona tin oportunidad pa participa, contribui y desaroya nan potencial.

   Minister ta felicita FUNARI, su personal, boluntarionan, familiarnan y specialmente e clientenan cu a haci Arte Sin Frontera un celebracion di talento, dignidad y inclusion. Masha pabien na tur esnan cu a contribui na e exito di e exhibicion.