Ministro Plenipotenciario a asisti na e conferencia di CARAN

ORANJESTAD (AAN): Minister Plenipotenciario mr. Ady Thijsen a asisti na e di 9 Conferencia di CARAN cu a tuma lugar na Aruba.

   Durante di e ceremonia di apertura den aula di Universidad di Aruba (UA) Eric Mijts, senior coordinador di e Facultad Sisstem di UA, a haci entrega na Minister Thijsen un buki na ocacion di e di 6 Conferencia di CARAN.

   E ceremonia a cuminsa cu un charla di professor dr. Geert Beulens di Universidad di Utrecht.

   CARAN ta e Asociacion Caribense riba Hulandes. CARAN su meta desde 2011 ta pa forma un brug entre academiconan na e diferente paisnan Caribense unda Hulandes ta hunga un rol. Tambe tin intercambio entre academiconan Caribense y di Hulanda riba diferente tema di interes comun.

   Cada dos aña CARAN ta organiza un conferencia cu rotativo ta tuma lugar na Aruba, Curaçao o Suriname.  E potretnan ta cortesia di Arubahuis.