Ministro a bishita SABA den cuadro Dia di Enfermeria y Dia di Mama

ORANJESTAD (AAN): Den fin di siman, Ministro Ursell Arends a haci bishita na SABA, pa asina celebra hunto cu nan, e “Dia di Enfermeria” y tambe “Dia di Mama”.

  El a wordo ricibi door di directora nobo di SABA, esta Sulima Geerman.

   Na un forma special, SABA a festeha e Dia di Enfermeria, door di honra esnan cu ta duna cuido na nos hendenan, specialmente e adultonan mayor.  Mirando cu e ta riba mesun dia cu Dia di Mama, a probecha pa celebra e ocasion aki tambe.

   Dia di Enfermeria ta uno caminda comunidad tin di celebra e “heroenan” cu ta traha cu compasion y curashi pa nos salud y pa esnan cu a duna nos bida.

   Ministro a bolbe corda pueblo, cu un simpel bishita of yamada por yuda inmensamente pa yena e curason di nos grandinan cu felicidad.