Dos grupo Scout a bay haya sa mas di naturalesa di Aruba

Gobierno a duna nan presentacion

ORANJESTAD (AAN): Den fin di siman cu a pasa, Gobierno a habri porta y asina Ministro Ursell Arends a ricibi bishita di Grupo Scout Casibari y Grupo Scout Baden Powell.

   E bishita aki tabata den cuadro di nan tema “Going Green”. Durante e encuentro, Minister Arends, hunto cu expertonan di Directie Natuur en Milieu (DNM), y tambe di Conseho Nacional pa Resiliencia Climatico (NCRC) a duna presentacion.

   Nan a suministra detayenan hopi informativo y a contesta preguntanan di participantenan, pa mustra riba e aspecto di brinda respet na naturalesa, y brasa e concepto di cuminsa planta mas di nos mesun fruta y berdura.

   Palabra di gradicimento na e lidernan cu ta encurashando nos muchanan riba e importancia di naturalesa y pa cuida nos medio ambiente.