Ministro a bay felicita Francisca Maduro-Paesch cumpliendo 100 aña

ORANJESTAD (AAN): Recientemente señora Francisca Maduro-Paesch, cariñosamente yama Mamato, a celebra su 100 aña di edad hunto cu famia, bisiña-, y amistadnan na Rooiweg, San Nicolas.

   E celebracion aki a inicia cu un bunita eucaristia na cas den presencia di e invitadonan, gradiciendo Dios pa e gran bendicion di cumpli e edad respeta di 100 aña. Un momento di alegria sigur pa tur esnan cu tabata presente y por a comparti e momento special aki cu Mamato.

   Señora Francisca Paesch a nace dia 2 di april 1923 na Aruba. Nan tabata un total di 8 ruman, tres ruman homber y 5 ruman muher, di cual awendia Mamato so ta na bida.

   Mamato a casa dia 15 di februari 1945 cu Emeliano Maduro (qepd), di cual 6 yiu a nace, dos yiu homber y 4 yiu muhe, di cual tur 2 yiu homber a fayece. Banda di esaki, Mamato tin 10 nieto, cuater nieta, un total di 17 bisanieto(a) y un tataranieto cu ta bibando na Hulanda desde aña pasa. Mamato ta masha keri door di su famia, bisiña y conocinan.

   Minister Endy Croes ta gradici e gran famia di Mamato pa e invitacion pa celebra e dia special aki hunto cu Mamato.