Minister Ursell Arends a expresa cu e saconan di 'Arubiano' ta fit cu e vision di Gobierno

ORANJESTAD (AAN)—Durante e Mercado y Feria di Departamento di Agricultura, Cria y Pesca (LVV/Santa Rosa),

cu a tuma lugar Diadomingo cu a pasa, Minister encarga cu sector primario, señor Ursell Arends a hiba palabra.

E minister a bisa cu e ta contento di mira cu esaki tabata e di dos mercado den e aña aki, y a mustra satisfecho cu e acogida di e comunidad; e ta spera cu e mercado sigui crece na 2023, mirando e diferente productonan cosecha pa nos propio Arubianonan, cu si e pueblo ta sostene nan e ta na beneficio di Aruba su economia tambe.

E mandatario a elabora tocante e “Arubox” cu pa e vision cu gobierno tin riba maneho di desperdicio e producto aki ta fix perfectamente den esaki, y manera director di LVV, Nathalie Maduro a bisa, rond di Aruba ta wordo genera hopi desperdicio. Tambe e saconan por wordo uza pa cumpra gordura pa plantacion, y esnan cu kier planta por bin na Santa Rosa cumpra e saco pa yene cu gordura.

E ta haya cu e saconan aki a perfecto pa crea un  economia circular, y el a gradici señora Eva Wever y su compania Arubiano, cu ta aporta e producto, y tambe ta yuda keda gobierno cu su meta pa Aruba como pais, na e manera mas leu posible. Asina e dignatario a señala.

E mandatario a saluda y gradici e bishitantenan di sector primario di Curacao cu a bin presencia con e mercado di Santa Rosa ta hinca den otro, y cu a bin cu e meta pa e “Dutch Caribbean Islands” colabora cu otro riba tereno di agricultura y cria, pa asina engrandece nan economianan.

Tambe el a gradici tur e trahadornan di LVV cu a haci posible cu e feria exitoso aki tuma lugar.