Awe Diamars 21 di november pa 5 or di atardi
*E ta bira e prome monumento priva protehi
ORANJESTAD (AAN): Manera ta un custumber tur diamars atardi tin un Rosario y Santo Sacrificio di Misa na Kapel di Birgen di Alto Vista. Diamars dia 21 di november lo ta uno mas special, pasobra despues di Misa lo tin e acto di seyo oficial di Kapel di Alto Vista como e prome monumento priva protehi.
Kapel di Alto Vista tin un balor importante pa Pais Aruba. E ta un luga religioso na unda hopi local ta bin practica nan fe y medita den un ambiente di trankilidad y pas. Nos Kapel di Alto Vista tambe ta un icono masha bishita pa nos bishitantenan di exterior.
Minister di Cultura ta invita comunidad pa asisti na e Rosario y Misa, y pa presencia e acto historico aki na unda nos Kapel di Alto Vista lo haya su seyo como monumento proteha.
