Minister Endy Croes ta felicita Colegio Arubano cu un exitoso Opendag

ORANJESTAD (AAN): Diasabra ultimo, Minister Endy Croes a bishita e opendag di Colegio Arubano. E scol a habri porta pa tur studiante di klas seis di scol basico,

alumnonan cu ta den CB1 of CB2 di MAVO cu tin suficiente punto pa bay HAVO y tur alumno di examenklas di MAVO cu kier sigui nan estudio na Colegio Arubano.

            Un mainta informativo y educativo unda cu tabatin hopi interes di e studiante acompaña pa mayornan cu ta preparando pa e aña escolar nobo. Banda di e materianan a mustra diferente actividad escolar.

            Tambe tabatin diferente presentacion y demostracion di proyecto manera e.o. Erasmus Plus. E studiante- y mayornan tabatin oportunidad pa haci pregunta.

            Por ultimo, Minister Endy Croes ta gradici Sra. Jennifer Arends - Reyes y Sr. Tim Croes pa e tremendo recepcion. Danki na tur alumno y docentenan cu a organisa e opendag.