ORANJESTAD (AAN): Den pasado, e organizacion Fundacion Pro Persona cu Dislexia a enfoca riba e momento cu e mucha ta drenta scol basico.
E biaha aki nan ta focus for di baby te cu kleuter, e tempo prome cu e drenta
scol basico.
Pesey nan lo tin Diasabra 11 di Maart 2023 na MFA Paradera, un charla interesante cu ta cuminza 10’or di mainta, y ta finaliza pa 12’or.
E charla ta basa riba e diferente fase entre 0 te cu 6 aña. Cada fase tin mester di
nan atencion pa saca e desaroyo maximo di bo yiu.
Lo bay papia di e desaroyo di 0 te cu 1 aña (Baby), 1 te cu 2 aña (Dreumes), 2 te cu 4 aña (Peuter), y 4 te cu 6 aña (Kleuter).
Pesey Fundacion Pro Persona cu Dislexia a haci e charla pa tur hende cu ta forma parti di e desaroyo Charla di un mucha di e edadnan ey.
DIARIO a compronde cu e charla ta gratis, pero bo tin di manda un mensahe via Whatsapp 566-0140 pa reserva bo lugar. Nan cuponan ta limita debi na e espacio cu nan tin disponible.
Esaki ta e prome biaha cu Fundacion tin un charla encuanto e fasenan aki di e mucha, pues no perde.
