ORANJESTAD (AAN): Diabierna mainta Minister di Finansa a reuni cu e colegio di supervision financiero CAFT riba e trabaonan cu ta wordo haci pa mehora Aruba su finansa publico.
Ta e prome reunion cu CAFT den e constelacion nobo den cual e miembro nobo pa Aruba, sr. Marion Agumbero, tabata acerca.
Durante e reunion banda di e topiconan relaciona na maneho financiero y supervision financiero, a duna CAFT un bista di e trabaonan cu ta wordo haci pa Gobierno yega na un maneho di dividendo y participacion.
Minister Maduro a indica cu tabata un bon reunion den cual CAFT a duna elogio pa e mehoracion den contenido di presupuestonan y tambe pa e manera acelera cu e debe di Pais Aruba ta bahando.
