Militarnan local di Arumil a bay duna charla na EPB Oranjestad

ORANJESTAD (AAN): Den fin di siman a tuma lugar den Charla Special pa alumnonan di EPB Oranjestad.  

Esaki a tuma lugar den e auditorio di EPB na Hato.

   Militarnan local di Aruba formando parti di “Arumil” tabata presente.  Nan a trece un charla extremadamente interesante, cu a sirbi pa stimula y informa e alumnonan tocante e oportunidadnan pa join Mariniers.

   Sigur e tabata un momento importante pa inspira y habri caminda pa nan futuro.  Studiantenan a haya chens di haci pregunta riba tur aspecto di e carera como militar.  Y por a mira cu nan a keda bon enfoca riba tur loke a wordo treci dilanti.

   Nan a trece tambe tur rugzak y demas material cu un militar tin di carga, y demas material di nan tarea como militar.  Tambe a yega na EPB Oranjestad cu nan vehiculo yama DMV Anaconda 4x4, cu a hala hopi atencion di e alumnonan.

   Directorado di EPB Oranjestad ta manda un danki special na e team di Arumil pa e presentacion interesante y educativo.