ORANJESTAD (AAN): Entrante diahuebs 3 di Februari lo ta mas facil viaha pa Aruba for di tur pais.
E cambio den e medidanan pa e viaheronan ta nifica cu:
- Esnan cu ta desea di haci un prueba Molecular (por ehempel, PCR test) lo tin 3 dia pa haci e test prome cu nan viahe.
- Aruba lo ta habri pa tur pais, sin importa nan nivel di risico
- Aruba lo lansa e opcion di viaha cu un codigo QR verificable digitalmente di e vacuna di refuerzo di Covid-19.
Ta bay acepta cualkier combinacion di e siguiente vacunanan y e vacuna di refuerzo administra alomenos menos 7 dia prome cu e viahe: Comirnaty (Pfizer BioNTech), Spikevax (Moderna), Vaxzevria (AstraZeneca), Janssen (Johnson&Johnson), Nuvaxovid (Novavax). Esaki lo mester wordo 'upload' como parti di e proceso di e ED Card den e prome 3 dianan prome cu e vuelo (e yegada na Aruba).
Pa esnan for di Merca: Mester tene na cuenta cu no lo acepta ni e fisico ni un potret di e CDC Card, esaki mester ta den formato di e SMART Health Card.
