'Mediation Bureau Talking Is solving' ta cuminza e siman aki cu 'Mediacion den famia'

Barbara Abdoekkariem ta splica:

ORANJESTAD (AAN) – Den un entrevista cu e Hurista Scheidingsspecialist, mr. Barbara Abdoelkariem, propietario di “Mediation Bureau Talking Is Solving”, a duna di conoce cu e siman aki ta bay cuminza cu “Family Mediation” (Mediacion den famia) y e base ta pa yuda haya un plan pa mayornan cu no ta den un bon relacion di pareha cual ta afecta nan yiunan.

Abdoelkariem a splica cu muchanan cu ta biba den cas cu nan mayornan cu ta pleita cu otro, nan no por bay ningun caminda, y locual su bureau ta bezig cune ta entrena nan 12 profesional pa siña e mayornan realiza nan mes, kico nan pleitamento den cas, ta haci cu e muchanan.

Si e comunicacion cu e muchanan ta wordo drecha, e ta hopi miho pa nan y nan por desaroya den comunidad.

“Eigenlijk, loke nos ta bezig cune aworaki, ta cambia e idea con pa cria bo yiunan, con pa anda cu un conflicto, siña e yiunan con pa bay dilanti, si nan tin conflicto no pleita, pero busca manera pa resolve.

Esaki ta importante di un banda siña e mayornan cu asina nan no ta pareha mas, y cu nan yiu semper ta keda cu dos mayor. Pues, nan ta keda e mama cu tata di e yiunan. Anto pa nan yiunan ta manera nan ta wak cu nan mayornan no ta biba den cas hunto pero toch ta keda mayor pa nan, ta percura pa nan, hiba nan scol, deporte, etc”, mr. Barbara Abdoekariem a subraya.