Mayoria scol a habri diaranson na Aruba

ORANJESTAD (AAN):  Mayoria di scol na Aruba a habri nan portanan bek dia 1 di September, despues cu Gobierno a anuncia esaki.

Alumnonan tabata contento di por a bay scol bek pa sigui cu nan lesnan. Maestronan tabata contento di por a ricibi nan alumnonan bek despues di un periodo un tiki mas largo. 

Tin scol ta midi e temperatura di cada alumno manera cu nan drenta scol y hand sanitize nan mannan pa asina nan por drenta klas. 

Manera ta conoci, e scolnan cu ta resorta bao di SKOA no a habri diaranson y ta pendiente di e informe riba e dia cu e inicio di aña escolar ta bay bira posibel.

Potretnan cortesia di Alberto Klaber