Mayoria di esnan cu a ingresa hospital durante e di 5 ola tabata a causa di Omicron

Segun Sharline Koolman di DVG: --- *Probablemente pesey menos hende a fayece 

ORANJESTAD (AAN):   Crisis Team Leider y Hefe na Departamento di Malesanan Contagioso (DBZ), Sharline Koolman a indica den conferencia di prensa diahuebs mainta cu segun cifranan y e situacion actual, por mira cu Aruba ta pasando caba door di e di 5 ola di e pandemia.

Pa e siguiente dianan, e cifranan lo sigui baha y ta spera cu por papia cu Aruba a pasa door di e di 5 ola, a indica.

Pa loke ta e cifranan di Hospital, Koolman a agrega cu si compara e cifranan di e di 4 y e di 5 ola ta wak cu den e di 4 ola tabatin 374 opname di cual 52 persona a fayece (14%). Den e di 4 ola ta wak cu tin 179 persona cu a wordo ingresa hospital y 15 persona (8.4%) di esakinan a fayece.

Sharline Koolman a duna di conoce cu e cifranan aki ta indica cu e casonan cu a wordo ingresa hospital tabata menos, pero alavez e cantidad di esnan cu a fayece tambe tabata menos.

Si ta wak e datonan di mortalidad, esnan cu a fayece den e di tres ola tabata mas halto ainda. Pero locual tin te cu aworaki ta cu e di 5 ola, probablemente mayoria di esnan cu a wordo hospitalisa tabata door di Omicron. No ta descarta cu algun di e casonan di fayecimento tabata Delta, pero mayoria no tabata a causa di Omicron. "Probablemente esey ta e motibo tambe cu menos hende a bin ta fayece, a splica.