ORANJESTAD (AAN): Minister Rocco Tjon, durante un conferencia di prensa
dialuna mainta a contesta preguntanan di prensa y a aclaria algun informacion eroneo relaciona cu pashent di Stichting Respaldo.
E informacion aki tin di haber cu e hecho cu a ser bisa cu varios famia di pashentnan lo a mustra nan preocupacion ya cu na October no tin siguransa si nan sernan keri por keda na Respaldo.
E mandatario a enfatisa cu e informacion aki no ta corecto y cu ta trata di mal informacion cu a wordo duna.
"Ya caba for di nos ministerio nos a sinta caba cu diferente di e familiarnan pa duna splicacion corecto riba e tematica aki", Minister Tjon a expresa.
