ORANJESTAD (AAN): E sorteo di Wega di Number Korsou ta wordo bendi na Aruba tambe riba e sistema electronico di Lotto.
E ciudadano Macario recien a forma su numbernan pa Wega di Number Korsou, y a utiliza su number di auto. El a haci su bet, y a sinta spera e sorteo.
El a bira hopi contento ora el a nota cu su number a sali.
Pesey riba Diaranson el a acudi na oficina di Lotto na Playa pa asina reclama su premio. El a mustra nan su ticket, cu ya caba tin su firma parti patras y a inclui su numbernan di banco.
Ora cu a scan e barcode den e computer, e machine a confirma cu el a gana e suma di 222.750 Florin cu wega di WNK.
Mesora a cuminza cu e proceso pa transferi e premio electronicamente pa su cuenta di banco.
Macario a indica cu e ticket ganador el a cumpra na Big Ten 5.
