ORANEJSTAD (AAN): Tabata Diabierna anochi cu e sorteo di Lotto di Dia cu tabatin jackpot e momento ey di 98.000 Florin a conoce un ganador.
E numbernan cu a sali e anochi ey tabata 03, 10, 14, 18, y 19.
Esey ta e numbernan cu tin riba ticket di Lise tambe! Pesey riba Diamars el a acudi na oficina di Lotto na Playa pa reclama su premio.
Aki mesora a revisa si el a pone su firma na e banda patras di e ticket, y posteriormente a scan e barcode cu tin riba e ticket. E computer di Lotto instantaneamente a indica cu e ta e ganador di 98.000 Florin.
Mesora a cuminza cu e proceso pa transferi e premio electronicamente pa su cuenta di banco. Lise a indica cu e ticket ganador mes el a cumpra na Buchi’s Lottery.
