Actualmente na Aruba tin 32 persona interna debi na COVID -ORANJESTAD (AAN): Departamento di Salud y Crisis Team a indica cu
segun resumen di diaranson 20 persona a recupera y un total di 26 caso nobo di COVID-19 a keda registra di cual 4 ta no-residente.
E cifranan aki ta representa un 'Positivity rate' bou di residentenan di 8%. E cantidad di casonan activo di COVID-19 ta 336 y cantidad di fayecidonan relaciona cu COVID-19 ta 156.
Datonan ta ilustra casonan nobo di COVID cu un average semanal di 28 caso pa dia y un averahe di 'positivity rate' semanal di 12% pa dia.
Actualmente na Aruba tin 32 persona interna debi na COVID di cual den ICU tin 4 caso activo y 2 caso post COVID y riba piso general tin 14 caso activo y 12 caso post COVID. Na Colombia tin actualmente 24 persona den Cuido Intensivo.
