Lider di Partido PDP ta mira importancia di eleccion Parlamentario Europeo

Leonardo Figaroa ta suplica pueblo pa registra

ORANJESTAD (AAN): Na 2022, Leonardo Figaroa di Partido Direccion Politiea a recibi un oportunidad unico pa por a representa Aruba na Bruselas, Belgica.

   El a papia cu tur e funcionarionan europeo ariba Aruba y e participacion di juventud den gobierno y procesonan democratico. P’e ta importante cu Aruba tin un laso mas cerca cu Union Europeo. A mira cu gobierno a haci tur lo posibel pa recibi 14 miyon euro cu e meta pa digitalisacion di Gobierno.

   Figaroa aki ta suministra e website pa pueblo di Aruba por inscribi:

www.bit.ly/votaeuro

   Segun e lider di PDP, ta importante pa informa Aruba cu no mester di BSN nummer, djis yena tur e informacion y warda e link pa upload e paspoort.

   Di con e ta importante pa vota:  Figaroa ta reta publico pa gara e paspoort un rato y mira e prome palabranan riba e kaft di bo passport, e ta bisa cu nos ta ciudadanonan di Union Europeo, esaki kermen cu nos como Aruba tin un LGO-Status cu ta unico. PDP ta kere cu e ta importante pa Aruba por haci uso di e

opportunidadnan aki. PDP ta mirando awe e creaccion di un facultad nobo na Universidad cu tambe lo bay contribui grandi na e movimiento di energia renovabel cu ta importante pa e futuro di economia di Pais Aruba.

   Plannan ambicioso: Locual ta lamentable ta un di e puntonan cu Union Europeo ta pushando pa un agenda berde. Energia renovabel ta importante pa e metanan di desaroyo sostenibel. Aruba su vision como trendsetter a bay hopi atras danki na Gabinete Wever Croes II. Nos ta mira con hopi e importancia di lasonan cerca cu Union Europeo ta.

   Di con vota pa Union Europeo: Den pasado tabatatin algun politico a purba postula pa bay eleccion parlamentario di Union Europeo, pero lamentablemente esaki no a keda mucho bon regla pa core un eleccion efectivo pa e cantidadonan logra haya suficiente sosten pa drenta Parlamento Europeo. Actualmente tur candidato di e region caribe no ta participando mas den e eleccion na juni 2025 binidero.

   Vota pa Union Europeo ta importante paso nos tin cu exigi un representacion di e 28 parlamentarionan hulandes pa tin un candidato cu ta sali na vanguardia di e interes di Caribe Hulandes. Vota pa Union Europeo, ta un voto pa Aruba como un LGO-status tambe por keda recibi cooperacion europeo pa nos por logra ricibi mas cooperacion di Union Europeo.

   “Bishitando Brusselas, mi a comprende cu tin hopi oportunidad pa e hoben y riba e tema aki PDP kier pone mas atencion pa nos por logra haya mas sosten di e miembronan hulandes di Union Europeo pa nos por ricibi mas asistencia tecnico y sosten financiero. Pa e motibo ey nos proposicion ta pa stop e biahenan costoso pa Parlatino cu no ta contribui mucho na progreso di Pais y cuminsa organiza biahe nan unda lasonan por keda crea na Bruselas entre e Parlamentonan di Aruba y Union Europeo.

   Deadline: Aruba bo tin te Diahuebs 25 di april venidero e chens pa registra y ban haci uso di e derecho aki pa por logra duna nos bos na e instituto importante aki.  Segun Figaroa, su voto lo ta pa Volt.