Lama bruto a azota beachnan riba Dialuna

ORANJESTAD (AAN): Tormenta Tropical Nicole a nace basta panort di Republica Dominicana, y ainda esaki tin influencia den Caribe.

  E Disturbio aki a produci lama bruto di zuidwest riba Dialuna, y varios beach a haya influencia di esaki.  Lama a spula hopi yerba riba tera, y algun lugar hasta palapa a cay. 

   Awacero a cay bastante den oranan di merdia pa atardi, y dado momento por a mira algun regenboog masha bunita mes.