Kiwanis Club of Aruba yudando cu bista di muchanan

ORANJESTAD (AAN): Algun tempo pasa, Kiwanis Club of Aruba a lanza e proyecto “Bon Bista”. 

E ta un iniciativa di alcance comunitario enfocando riba salud di wowo di muchanan, y a haci esaki den colaboracion cu e compania Aruba Vision Center (AVC).

   E proyecto impactante aki tin como meta pa suministra test di wowo, y bril di bista gratis na e muchanan den necesidad na Aruba.

   Desde lanzamento di e proyecto aki, Aruba Vision Center a haci test di bista na 36 mucha, y a base di esaki a haya sa cu 24 di e muchanan tabatin mester di bril di bista.  E resultadonan aki ta pone enfasis riba e importancia fundamental pa detecta y interveni trempan pa asina sigura exito na scol y desaroyo di e muchanan aki.

   Via di e proyecto “Bon Bista”, Kiwanis Club of Aruba y AVC ta sigui traha hunto pa empodera muchanan di Aruba di e bon vision cu nan mester pa progresa.