Kiwanis Club of Aruba cu cinco miembro nobo

ORANJESTAD (AAN): Cu hopi orguyo, Kiwanis Club of Aruba a yama bon bini na cinco miembro nobo durante

nan Reunion General teni recientemente den sala di reunion di La Cabana Beach Resort.  E individuonan aki ta uni cu e movimengto global dedica pa mehora e bida di muchanan y reforza comunidad via di servicio y liderato.

   E miembronan nobo a bira Wency van der Biezen.  Tambe tin Tiganni Gomez.   Miembro nobo ta Mirienne Tromp.  Tambe tin Bob Bloomfield.  Otro miembro ta Travis Bernadina.

   Cada uno di nan, a wordo calurosamente ricibi door di demas miembronan, y nan entusiasmo y dedicacion ya caba ta dunando energia na e actividadnan existente di e Club.

   “Na Kiwanis, nos ta kere den cambia mundo, uno pa uno cu un mucha, uno pa uno cu comunidad,” ta loke Tessely Koolman-Paris a indica.  E ta president di Kiwanis Club of Aruba.  “Nos ta contento pa duna bon bini na e miembronan nobo aki, kendenan ta comparti nos pasion pa servicio y nos vision pa un futuro mas briyante”.

   Kiwanis Club of Aruba keto bay ta sigui cu proyectonan impactante manera ‘Bon Bista Vision Initiative’, ‘Back-to-School Project’, ‘Charity Halloween Gala’, ‘Christmas Ornaments Project’, y ‘Golf Tournament Fundraiser’.