Ingenieronan di Hotel a bay pasa pret ta core Gokart

ORANJESTAD (AAN): Tur siman di 3 pa 10 di november, ta celebra Engineering Appreciation Week na La Cabana Beach Resort & Casino,

reconociendo e trabao duro di e profesionalnan dedica aki. Nan ta hendenan yena cu pasion y comprometi na semper haci un trabao di excelencia.

   Nan ta enfoca ariba e unidadnan di e bishitantenan, y generalmente riba e propiedad fisico den su totalidad, nan ta responde rapidamente na necesidadnan di e bishitante, nan ta creativo y ta semper pensa ‘outside the box’ pa resolve tur problema - tur esaki ta facilita e creaccion di experiencianan di vacacion memorabel, pa tur bishitante, tur aña.

   Engineering Week a cuminsa riba dialuna, cu palabranan di aprecio y mensahenan di inspiracion p’e gerencia di nan departamento, e Chief Engineer. Riba diamars, e team a disfruta di un dushi desayuno na e Chit Chat Cafe.

   Despues a sigui cu actividadnan divertido diaranson den area di Mangel Halto, pa pasa poco tempo hunto pafo di area di trabao un rato. Nan a tuma un break diahuebs merdia pa disfruta di un tremendo lunch pa despues bay topa na Bushiri Karting Speedway unda a pasa hopi bon hunto cu tur colega.

   E departamento a finalisa e fesstividadnan na Primavera Restaurant diabierna, na unda cu durante dinner e team a discuti futuro proyectonan y plannan nobo, ful motiva pa sigui brinda un servicio di excelencia. Un grandi ta bay na tur ingeniero profesional y aprecio enorme pa tur loke nan ta haci n’e hotel tur dia.