Iluminacion completamente nobo pa henter Parada Grandi di Bus na Playa

ORANJESTAD (AAN): E scuridad inmenso cu por a sinti pa basta tempo caba riba e area grandi di parkinglot na e Parada Grandi di Bus na Playa,

porfin a ricibi un solucion basta notabel awor na 2024.

   Esey ta debi cu e trabaonan di instalacion di palonan di luz cu iluminacion nobo na e lugar aki a keda finalisa di parti di DOW recientemente.

   Departamento di Bouwkundige Werken a haci e trabao prome di mantenimento, y reparacion na tur betonpoer cu tin riba e Parada aki.

   Fuera di esey, DOW a haci un instalacion completamente nobo di coriente, y asina a prepara pa hisa e palonan di luz.  Nan a ricibi luznan briyante LED cu awor ta iluminando henter e Parada di Bus, y e parkinglot patras como debe ser.  Mas seguridad pa pasaheronan, y tambe pa esnan cu ta staciona auto eynan.