BOGOTA: E compania IKEA cu ta wordo considera como e principal fabrica di mueble pa cas na mundo, tin su wowonan awor dirigi riba Colombia, y asina drenta mercado di Latino America.
Nan lo bay habri riba un tereno habri di e centro Mallplaza NQS (conoci antes como Centro Comercial Calima) na Bogota. E compania sueco lo habri nan tienda den un edificio di 13.000 meter cuadra. Pa fin di 2021 e edificio tin di wordo entrega na IKEA pa asina nan haci e toquenan final interno. Esey lo dura como un aña.
For di algun tempo caba tabatin indicacion cu lo kier habri un IKEA na Colombia, pero awor si e lo bira realidad. Su apertura ta stipula awor pa aña 2023 y lo sigui ofrece su articulonan na costo abao. E compania tin 400 negoshi rond mundo.
