ORANJESTAD (AAN): IBiSA kier conscientisa comunidad di Aruba pa dia mundial di Cancer. E topico di e aña aki ta “Close the Care Gap”.
Cancer ta mata 10 miyon hende pa aña mundialmente. Esaki ta mas cu HIV/AIDS, malaria y tuberculosis combina. Pa 2030 expertonan ta proyecta un aumento te cu 13 miyon morto.
Cancer por worde preveni! Tin evidencia cu entre 30%-50% di morto causa door di cancer por worde preveni door di:
(*) Evita uzo di tabacco, incluso sigaria y ciga y ‘smokeless tabacco’.
(*) Mantene un peso saludable.
(*) Come saludabel cu suficiente berdura y fruta.
(*) Haci movimento riba un base regular.
(*) Limita alcohol.
(*) “Screenings” tambe ta yuda.
Un tercera parti (⅓) di morto causa door di cancer por worde evita si e cancer worde detecta na tempo y trata apropiadamente. Door di hiba un estilo di bida saludable y haci chekeonan di salud regular, nos por sera e porta y “close the gap” riba cancer.
Check cu bo docter di cas pa mas informacion relaciona cu chekeo di salud y ‘screening’ di cancer.
Fuente: parcial adaptacion y traduccion di un publicacion riba website di worldcancerday.org
