Durante reunion publico di Diahuebs:
ORANJESTAD (AAN) – Durante e reunion Publico di Parlamento cu a tuma lugar Diahuebs di e siman aki, Prome Minister Evelyn Wever-Croes, dirigiendo na Presidente di Staten mr. Edgard Vrolijk, a remarca cu nan a scucha oponentenan expresa nan mes na un nivel hopi mahos.
“Mi tin cu bisa esey, pasobra mi a pasa ocho aña den e Parlamento aki, y e nivel tabata hopi sushi y hopi mahos. Loke ta parlamentarionan di AVP no tabata conoce escrupulo. Nan tabata insulta bo akiden, na un forma hopi baho.
Pero nos a haya cuater aña despues, cu e nivel tabata toch, un poco miho, y bao bo guia bo ta purba tene nivel, decencia, pero ta duel mi di a mira awe algun parlamentario, hende homber grandi, scapa, comporta nan mes na un forma asina bochornoso; ta duel mi. Pero pueblo a mira y lo sigui mira, huzga, y nos lo mira kico ta pasa despues”, Minister Presidente a remarca.
