PARAMARIBO: Den fin di siman na Suriname, pa prome biaha a cuminza suministra vacuna di e marca Pfizer BioNTech.
Y prensa cu a acudi pa mira e proceso aki, a keda asombra pa nota con grandi e interes tabata.
E vacuna ta adecuado tambe pa esnan di 12 aña bay ariba. Pero e hobennan aki bao di 17 aña por bay busca e vacuna solamente si nan yega cu nan mayor of voogd, y mester bin cu e buki di famia tambe.
Durante luna di Augustus, pa prome biaha un cargamento di vacuna di Pfizer a yega Suriname, despues cu Gobierno di Paramaribo a haya mas di 140.000 dosis di e vacuna via un regalo di donacion di Washington.
Rij largo di hende cu ta draai hasta rond di terenonan di centro di vacunacion tabata visible. Ta mustra cu di hopi tempo caba tabata wardando e dia yega cu esun di Pfizer yega Suriname pa nan bay buske.
Hopi otro tipo di vacuna a wordo usa caba na Suriname, incluyendo AstraZeneca cu a wordo manda door di Hulanda, vacuna di Janssen (Johnson & Johnson), y tambe vacuna di Sinopharm cu a wordo regala door di China.
Algo notable ta cu ora e vacuna di Sinopharm a yega, ta un monton di hende di famianan Asiatico biba na Suriname a acudi pa ricibi e vacuna ey.
