Hopi chauffeur a haya sorpresa di 'sticker oranje' dialuna mainta

Aruparking tabata basta activo

ORANJESTAD (AAN):  Dialuna merdia varios tabata e autonan cu a haya un sticker poni ariba nan bentana banda links como señal cu nan lo a comete algun infraccion ora di parkeer.

            Por ehempel, dilanti di Aruba Flea Market, caminda tin un parkeerplaats, tabatin varios auto cu sticker color oranje. Algun tabata auto di huur y otronan tabata A-car.

            Locual a hala atencion ta e hecho cu ya caba basta tempran a cuminsa parti sticker cu sea a nifica un yamado di atencion of un boet, cual sigur ta algo cu niun hende ta desea di ricibi.
            Toch ta bon pa tene cuenta cu Aruparking ta activo y si bo tin cu parkeer bo auto, pa tene cuenta si e parkeer vak ta uno caminda bo por para of si ta uno restringi pa otro uzo.

            Si bo wak un turista ta staciona su auto, sea amabel y inform'e den caso cu e ta uzando e vak robes.