Hopi ambiente pa mira Sunset Parade na Noord

ORANJESTAD (AAN): Diaranson anochi exactamente 8:00 pm, e evento di ‘North International Sunset Parade’

a sali for di Bubali y a subi e ruta pa core door di Bubali, Shaba, Boegoeroei, y Noord.

   Na comienso tabatin Quality Brassband, sigui pa Flow Music Steelband, y a cera cu YX3M, esta Youth Xtreme.

   Pues no tabatin hopi mas grupo di musica, sinembargo e ambiente tabata grandi.  Multitud di hende a aglomera a lo largo di e ruta pa asina goza di e ambiente.

   E parada a yega su final banda di CMB Bank na Noord banda di 1’or di marduga.