ORANJESTAD (AAN): E wega di Big 4 ta sigui produci ganador na Aruba.
E sorteo aki como parti di e famia di Lotto na Aruba, ta sigui reparti premio na ganadornan contento cu nan numbernan a sali.
Esey ta e caso tambe di Hendrik, kende riba Dialuna a acudi na oficina di Lotto na Playa pa asina reclama su premio. Na su yegada, mesora e funcionarionan di Lotto a revisa si su ticket tin su firma y tambe number di banco menciona parti patras. Despues mesora a scan e barcode den computer, cu a confirma cu el a gana 10.000 Florin cu e wega di Big 4.
Hendrik a indica cu el a hunga su numbernan vast y a gana! Mesora a cuminza cu e proceso pa transferi e premio electronicamente pa su cuenta di banco. Su ticket ganador mes a wordo cumpra na Sea View Lottery.
