Grupo ta cla pa pasa bishita cu Canto di Alegria den Bario

ORANJESTAD (AAN): Sigur un bon noticia, ora cu DIARIO a wordo notifica cu e grupo aki lo tey riba caya un biaha mas, ta bishita adultonan mayor, of esnan na casa pasando den momentonan dificil.

   Boluntarionan di e proyecto “Canto di Alegria den Bario” lo tey atrobe pa deleita un maximo di 120 persona cu un canto di alegria y amor.

   Nan lo bay pasa cu nan canto di alegria den 6 bario rond di Aruba, y esey lo ta den e siman di 4 December te cu 8 December 2023.

   Abo conoce un adulto mayor cu ta biba su so, of un persona cu ta pasando den momento dificil?  E ora contact e grupo, y inscribi e persona na e siguiente boluntario, segun e Bario unda e ta biba.  Haci esaki prome cu dia 27 November 2023.

   Pa Noord y Playa, tin di contact Rosa Leon na 641-9272.  Pa Paradera y Tanki Leendert, contact Yolanda Wolter na 592-3731.  Pa Santa Cruz contact Ingrid Dubero na 592-8883.  Pa Pos Chiquito y Savaneta, contact Ruben Croes na 699-9227.  Finalmente pa San Nicolas contact Lena Orman na 565-1145.