Grupo Boolchands a inaugura nan tienda completamente renoba di Pandora na Paseo Herencia

ORANJESTAD (AAN): Grupo Boolchands cu orguyo a anuncia e reapertura di nan tienda di Pandora na Paseo Herencia Mall na Palm Beach. 

E tan anticipa reapertura a tuma lugar Diabierna anochi, ora cu huespednan a wordo ricibi pa un anochi di celebracion y exploracion, cu un experiencia di compra fresco y contemporaneo.

   Cu glasnan di champaña y un surtido di delicioso keshi, e bishitantenan a disfruta di un vibrante ambiente di e tienda renoba.  “Nos ta contento di inaugura nos tienda renoba di Pandora, cu ta ofrece nos clientenan un experiencia di compra mehora y encantador,” ta loke Ravee Nandwani a declara.  E ta director di The Boolchand Group.  “E reapertura a alinea perfectamente cu e temporada di Dianan di Fiesta, ofreciendo un espacio ideal pa esnan cu ta buscando regalonan perfecto pa nan ser keri.”

   Awor cu e Dianan di Fiesta ta yegando cerca, The Boolchand Group ta invita tur hende pa explora e tienda renoba, garantizando un experiencia magico di compra y sigur memorable.